المولود
اكثر الناس في المحافظة رجالا و ارضا و كان بينضرب بينا المثل في الكثرة و القوة ..
و إحنا كنا دايما بنتباهي بكده .. عز و عزوة ..
عائلة بدوي كانوا تاني اغني عائلة و دايما كان في بيننا تناطح و مشاكل و في مرة حصلت ڤضيحة في البلد و ده سبب اللي احنا فيه ده دلوقتي ابني الكبير كان علي علاقة بواحدة من عائلة بدوي و خلف منها و جوزها عرف و قټلها
حصلت مجازر في الوقت ده هناك بين العائلتين ..
راح ضحيتها رجالة كتير من عندهم و من عندنا برضه بس احنا كانت رجالتنا اكتر لحد ما عائلة بدوي كانت تقريبا قربت تخلص خدوا خطوة ذكية و انسحبوا و اللي اتفضل فيهم اتجمع في بيت العائلة بتاعهم و قفلوا عليهم ..
الناس فكرت انهم بكده انكسروا و سلموا خلاص ..
عدت فترة مش كبيرة حوالي شهرين و فجأة بدأت العائلة عندنا يموتوا واحد ورا التاني من غير سبب بيمرضوا يومين بالضبط و اليوم التالت بيكون ماټ و مفيش دكتور في مصر كلها قدر يعرف ايه اللي بيجرالهم ..
بعنا ارض كتير اوي من عندنا مصاريف علي الدكاترة اللي بتيجي من كل حتة مفضلش غيرنا احنا الثلاثة رجالة بحريمنا . انا و مراتي و عيالي الاتنين و ستتاتهم ..
واحد من عيالي مبيخلفش و التاني اللي هو سبب كل اللي احنا فيه ده
خلصنا كلنا في ظرف سنتين لحد ما جالي كبير عائلة
بدوي و عرفني ايه اللي حصل و طلع زي ما كنت متوقع ..
كان معمولنا عمل و عمل شديد قوي هو السبب و الراجل دفع فيه كل حاجة عنده ..
اقدر اقولك انه باع ارضه كلها
هو اللي قالي كده بنفسه و كان
